Umupira uzakoreshwa mu mikino y'igikombe cy'isi cy'abagabo izatangira muri Kamena uyu mwaka, wahawe izina rya 'TRIONDA', izina rikomoka ku ijambo "tri" risobanura gatatu, hamwe n'ijambo ry'Icyesipanyoli(español) "onda" risobanura imiraba. Izina 'TRIONDA',  ryumvikanisha kwishyira hamwe kwa Kanada, Megizike na Amerika(USA), ibihugu bitatu bizakira iri rushanwa.

Nanone uku kwishyirahamwe kugaragarira mu bishushanyo biri kuri uyu mupira, bigizwe na (1) Amabara atatu: Umutuku, Icyatsi n'Ubururu - agereranya ibyo bihugu 3 bizakira iri rushanwa, na (2) Ikibabi cy'igiti cyitwa 'Maple', ikibabi kigaragara mu ibendera rya Kanada - Kagoma, ikiguruka kigaragara mu ibendera rya Megizike - Inyenyeri, igishushanyo kigaragara ku ibendera rya Amerika(USA).

Ni ku nshuro ya mbere iri rushanwa rigiye kubera mu bihugu bitatu. Iri rushanwa ryaherukaga kubera mu bihugu birenze kimwe, ubwo Ubuyapani na Koreya y'Epfo byaryakiraga muri 2002, rikegukanwa na Burezili ya Ronaldo Nazário(watsinze ibitego 2 mu mukino wa nyuma), Ronaldinho, n'abandi, itsinze ibitego 2-0 Ubudage.

- Waruziko

"TRIONDA" yakozwe n'uruganda rwa Adidas. Uru ruganda rwatangiye gukora imipira ikoreshwa mu gikombe cy'isi, kuva mu cyabereye muri Megizike muri 1970 cyaje kwegukanwa na Burezili. Ku mukino wa nyuma, Burezili yatsinze 4 - 1 Ubutariyani, harimo igitego kimwe cya Pele.

Ikoranabuhanga n'imiterere ya 'TRIONDA'

1) 'TRIONDA', ntabwo ifite ubuso buringaniye, ahubwo ikoranye imirongo(deep seams) k'ubuso bwayo, ariyo ituma mu gihe iri mu kirere itagirwaho ingaruka n'umuyaga ngo ibe yahindura ikerekezo m'uburyo butunguranye.

2) 'TRIONDA' ntabwo ifite ubuso bunyerera, ahubwo ku buso bwayo ifite udushusho(textures) duto duto duhanda. Utu, dutuma umupira utanyerera, bityo mu gihe hari kugwa imvura, umukinnyi akabasha kugenzura umupira neza ku kirenge no mu ntoki.

(3) Munda ha 'TRIONDA', harimo Insangizamakuru(Chip) ifite ubushobozi bwo gufata no kohereza amakuru k'uburyo umupira uri kugenda. Iyi nsangizamakuru(Chip) ifite ubushobozi bwo kohereza amakuru inshuro 500 ku isegonda rimwe(500Hz).

Ayo makuru yoherezwa kuri 'VAR system', hifashishijwe ikoranabuhanga  ry'ubwengebuhangano(AI), agafasha mu gufata imyanzuro, urugero:

Umukino ufungura igikombe cy'isi cy'abagabo cya 2026, uzahuza Megizike na Afurika y'Epfo, ukazabera muri Megizike, kuri sitade yitwa 'Estadio Ezteca', akaba ari nayo sitade izaba igize agahigo ko kwakira imikino y'ibikombe by'isi 3 bitandukanye. Bwa mbere, yakiniweho imikino y'igikombe cy'isi cya 1970, bwa kabiri ikinirwaho imikino y'igikombe cy'isi cya 1986.

Waruziko