Mu mpera z'uku kwezi kwa kane(Mata), hateganyijwe gutangiza uburyo bushya bwo gutwara abantu m'uburyo bwarusange hagati y'ikibuga cy'indege n'amahoteli amwe n'amwe yatoranyijwe. Ni serivisi izajya igenzurwa n'ikigo cya Leta 'EcoFleet Solutions', kimwe mu bigo bisanzwe bitanga serivisi yo gutwara abagenzi m'uburyo bwa rusange mu mugi wa Kigali.

Hazashyirwaho ibyerekezo bibiri. (1) Ikibuga cy'indege - Mu Mujyi wa Kigali rwagati, (2) Ikibuga cy'indege - Nyarutarama. Umuntu uri kuri hoteli runaka, ashaka kwerekeza ku kibuga cy’indege bitewe n’isaha ari buhagurukire, imodoka izajya imujyana imugeze ku Kibuga cy’Indege.

"Intego ni ugushishikariza Abanyarwanda n’abasura igihugu gukoresha uburyo bwo gutwara abantu muri rusange, bityo bakaba bari no gushyigikira gahunda y'igihugu yo gutwara abantu mu buryo butangiza ibidukikije."

Havugimana Aldo, Umukozi Ushinzwe Imenyekanishabikorwa n'Itumanaho

Ku bagenzi batagiye ku mahoteli, bazajya bakoresha Bisi zisanzwe, dore ko zisanzwe zigera i Kanombe(izi ntabwo zinjira mu kibuga cy'indege).

Imodoka zisanzwe zitanga serivisi yo kujyana no kuvana abantu ku kibuga cy'indege, zizakomeza gukora nk'ibisanzwe.

Biteganyijwe ko iyi serivisi izafasha koroshya ingendo z’abagenzi, igabanye umubyigano w'ibinyabiziga ku kibuga cy’indege, ndetse ikanongera ikoreshwa ry’ikoranabuhanga rigezweho mu rwego rw’ubwikorezi mu Rwanda.