Uruganda rwa 'Apple Inc' rukora ibikoresho by'ikoranabuhanga nka 'iPhone', 'Apple' na 'iPad', rugiye gushyiriraho abakoresha ibikoresho byarwo uburyo bwo guhitamo porogaramu zikoresha ubwenge buhangano(AI programs) zakozwe n'ibindi bigo, zikaba zakora nka 'Extensions'.

Biteganyijwe ko muri Nzeri uyu mwaka, igihe 'iPhone 18', hamwe na 'iOS 27' na 'macOS 27' zizasohoka, ari nacyo gihe ubu buryo buzagera ku bantu bose bakoresha ibikoresho bya Apple.

"Porogaramu iri 'Extension', ni porogaramu igufasha mu gihe urigukoresha izindi porogaramu zisanzwe mu gikoresho cyawe, nka Email, Messages, n'izindi. Urugero, Niba warashyize 'ChatGPT' muri porogaramu za 'Extension', uramutse ufunguye 'Camera' y'igikoresho cyawe ukayitunga k'urupapuro ruriho Amagambo y'Igishinwa, ushobora gusaba 'ChatGPT' ako kanya ukiri muri 'Camera' ikakwereka ayo magambo yayahinduye mu Cyongereza."

— Ibisobanuro

Uko byari bisanzwe bimeze

Impinduka zizana na 'iOS 27' na 'macOS 27'

• Porogaramu ya 'AI' yose wahitamo, yaba 'Gemini', 'Claude' cyangwa se indi, izaba ishobora kuba 'Extension'. Urugero, 'Claude' izaba ishobora kugufasha gukora ishamake y'inyandiko wohererejwe kuri 'WhatsApp'.
• Uzaba ushobora guhitamo porogaramu ya 'AI' ushaka, akaba ariyo yunganira 'Siri' mu gusubiza ibibazo uyibaza.
• Muri "App Store" hazaba harimo igice cyigaragaza urutonde rwa porogaramu za 'AI' ushobora guhitamo gukoresha.
• Muri 'iOS 27' na 'macOS 27', 'Siri' izaba ari porogaramu yuzuye, ushobora kugirana nayo ibiganiro birebire, kubona ibiganiro mwagiranye byose, n'ibindi. Izaba ikora nka ChatGPT cyangwa Gemini, aho kuba aga pororgaramu gato ko kubaza ibibazo bike, nkuko ubu bimeze.
• Uzaba ushobora guhitamo ijwi 'Siri' ikoresha muri kuvugana. Ibisubizo byatanzwe na sisitemu za Apple bizajya bisomwa mu ijwi rimwe, ibyatanze n'izindi sisitemu nabyo bisomwe mu rindi.