Waruziko — Voyager 1 icyogajuru kiri muri Km miliyari 25.4
Nibyo
UmwanditsiMuri gahunda yiswe 'Voyager Program', ku wa 5 Nzeri 1977, NASA yohereje mu isanzure Voyager 1, icyogajuru kimaze gukora amateka, nyuma y'umuvandimwe wacyo 'Voyager 2' wari woherejwe muri Kanama uwo mwaka. Mu Kuboza kwa 1977, Voyager 1 yaciye kuri Voyager 2 kuko Voyager 1 yari yoherejwe hifashishijwe ingufu nyinshi kurusha Voyager 2.
Intego: Misiyo ya Voyager 1, yari iyo kujya kwiga 'Jupiter' na 'Saturn' imibumbe ibiri ya mbere minini mu izenguruka izuba.
Voyager 1, yari kunyura kuri 'Jupiter', igafata amafoto, ikiga ikirere cyayo, ukwezi kwayo, n'imbaraga rukuruzi zayo, igakomereza kuri 'Saturn' naho igakora nkabyo.
Kuya 12 Ugushyingo 1980, Voyager 1 yari irangije misiyo yayo. NASA yahisemo kudahagarika iki cyogajuru, ahubwo cyikayifasha ukora ubushakashatsi ku kwezi kwa 'Saturn' kwitwa 'Titan'.
Mu kwerekeza kuri 'Titan', imbaragarukuruzi za 'Saturn' zasunitse 'Voyager 1' mu cyerekezo cyo hejuru, ita icyigana kuri 'Uranus' na 'Neptune' yari gukurikizaho.
Hanyuma NASA yahisemo ko Voyager 1 yakomeza icyo kerekezo yari ifashe, ikajya hanze y'imibumbe izenguruka izuba.
Mu 1990, Voyager 1 yafashe ifoto y'isi iri mu bilometero miliyari 6.
Ubu, Voyager 1 iri muri kilometero miliyali 25.4. Ubutumwa buyohererejwe, buyigeraho nyuma y'amasaha 23 n'iminota 34.
Voyager 1 iri kugenda ku muvuduko wa kilometero 17 mu isegonda rimwe.
Biteganyijwe ko m'Ugushyingo 2026, Voyager 1 izaba imaze kugenda urugendo urumuri rwagenda amasaha 24.
Iyi nkuru uyumvise ute?
Ibitekerezo (0)