Umupira w'amaguru niwo mukino wa mbere ukurwa cyane kw'isi. Kuri bamwe, uyu mukino ni isoko y'ibyishimo, ku bandi ukaba amahirwe y'ubucuruzi. Si abantu basanzwe gusa bawubona gutyo, kuko n'ishyirahamwe ry'uyu mukino kw'isi FIFA riziko rifite mu biganza byaryo amahirwe akomeye cyane y'ubucuruzi.

Kwamamaza kuri Screen ziba zizengurutse ikibuga(LED perimeter boards), ni bumwe mu buryo bwinjiriza amafaranga menshi FIFA. Muri iki gikombe cy'isi cya 2026, abafatanyabikorwa ba FIFA hamwe n'igikombe cy'isi bagaragara kuri izi screen mu gihe cy'umukino, bose hamwe bishyuye FIFA arenga Miliyari 3,500 Rwf.

Aba bafatanyabikorwa baba bagabanyije mu byiciro bibiri.

Ikoranabuhanga rikoreshwa mu kwerekana abafatanyabikorwa bitewe n'agace.

Virtual Board Replacement(VBR) Integration:

Ubu ni ubwoko bw'ikoranabuhanga bwifashisha porogaramu za mudasobwa hamwe na n'ubwenge buhangano(AI). Camera zo ku kibuga zifata amashusho, muri ayo mashusho ibigaragara kuri LED perimeter boards bugasimbuzwa ibindi bitewe n'agace k'isi ayo mashusho ari koherezwamo. Ubu buryo bukora nk'igitambaro cy'icyatsi(Green Screen) gikoreshwa hafatwa amashusho, akazagira ibyo yongerwamo mu buryo bworoshye hifashishijwe mudasobwa.

The LED Screen (240 FPS):

Ubu ni ubwoko bw'ikoranabuhanga ryifashisha LED perimeter boards zifite ubushobozi bwo kwerekana amafoto 240 mu isegonda rimwe(240 FPS).  Aho kugira ngo iyi LED perimeter boards yamamaze ikigo kimwe n'ikirangira ibone kwerekana ikindi, yo yerekana ibigo bitandukanye icyarimwe.

Uko bikorwa: Urugero, ikigo A kiramamazwa muri Amerika gusa, ikigo B kiramamazwa muri Aziya gusa, ikigo C kiramamazwa mu Burayi gusa naho ikigo D cyamamazwe muri Amerika y'epfo gusa. LED Screen (240 FPS) yerekana ibi bigo inshuro 60 mu isegonda rimwe.

Haba hari Camera enye: imwe ifata amashusho yoherezwa muri Amerika, imwe ifata amashusho yoherezwa muri Aziya, imwe ifata ayoherezwa mu Burayi, n'ifata ayoherezwa muri Amerika y'epfo.

Izi Camera zikoreshwa ziba zifite ikoranabuhanga rihambaye rituma zifata ishusho igihe gusa LED perimeter boards iri kwamamaza ikigo cyo mu gihugu iyo Camera iri koherezamo amashusho.

Muri uru rugero rw'amashusho ari koherezwa ahantu 4 hatandukanya, buri Camera izajya ifata amashusho 60 mu isegonda rimwe(60 FPS). Ugereranyije na Camera ya telephone, iPhone cyangwa Samsung yawe ifata videwo kuri 30FPS(amashusho 30 mu isegonda rimwe).

Birumvikana ariko ko gukoresha iri koranabuhanga rya 'The LED Screen (240 FPS)' bisaba Sitade zifite izi LED perimeter boards za 240 FPS, Camera zihambaye n'ibindi bikoresho bikorana. Niyo mpamvu nko muri iki gikombe cy'isi cyo muri uyu mwaka, FIFA yahisemo gukoresha iri koranabuhanga rya 'The LED Screen (240 FPS)' mu mikino mike, dore ko amasitade menshi yo muri biriya bihugu 3 byakiye iri rushanwa adafite ubu bwoko bwa LED perimeter boards za 240 FPS.

Ahubwo, FIFA yakoresheje cyane ikoranabuhanga rya VBR Integration rikoresha porogaramu za mudasobwa n'ubwenge bukorano(AI).