Mu myaka ya mbere ya 1980, Ubushinwa bwari igihugu gikennye. Cyari gifite abaturage bagera kuri miliyoni 960. 80 ku ijana by'abaturage babwo, bakoraga umwuga w'ubuhinzi. Umushinwa umwe, yabarirwaga ko yinjiza amadorali 150 ku mwaka.

Mu gihugu harimo inganda nke za leta, zakoraga ibyuma, imyenda, n'ibindi, hafi ya byose byacururizwaga mu gihugu mw'imbere. Ubushwinwa, bwoherezaga hanze ibintu bike, urugero nk'icyayi n'imyenda kandi muri rusange, ubukungu bwagenzurwaga na Leta.

Impinduka zitangira.

Mu Kuboza 1978, Deng Xiaoping yatangije impinduka mu bukungu yiswe 'Reform and Opening Up'(Ugenekereje bivuze 'Amavugurura no Gufungura imiryango').

Ubushinwa bwafunguriye imiryango abashoramari b'abanyamahanga. Iki gihe, n'ibwo hashyizweho ibyanya by'inganda(Special Economic Zones) nka Shenzhen, Zhuhai, Xiamen na Shantou. Abashoramari baroroherezwaga mu kubaka inganda.

Inganda Zitangira gukorera m'Ubushinwa

Nyuma yaho, izindi nganda nka, IBM yazanye imashini yambere nini m'Ubushinwa, nazo zatangiye gukorera m'Ubushinwa.

Impamvu zakuruye abashoramari.

• Abakozi: Mu myaka ya za 1960 - 1970, 70 ku ijana y'abaturage b'Ubushinwa bari bafite imyaka iri munsi ya 35. Bityo, kubona abakozi bahagije bo gukoresha mu nganda, nticyari ikibazo cyo guhangayikisha abashoramari.
• Ibikorwaremezo: Hifashishijwe inguzanyo n'ubwizigame, hatangiye imishinga minini yo kubaka ibikorwaremezo, urugero nk'imihanda minini(Highways), ibyambu, ingomero n'ibindi. Urugero, Mu 1988, Ubushinwa bwafunguye ku umuhanda munini(Highway) wa mbere, Shanghai-Jiading Expressway yari ifite uburebure bwa 18 Km. Nanone havuguruwe Gari ya moshi zari zishaje, nka Beijing-Guangzhou yavuguruwe mu myaka ya 1980.

Inganda ziremereye.

• China Baowu Steel Group: Rumwe mu nganda zikora ibyuma byinshi ku isi.
• CRRC Corporation: Uruganda rukora Gari ya moshi n'ibice byazo.
• XCMG: Ikora Crane, imishini ziterura ibintu biremereye kuma site y'ubwubatsi.

Nubwo bigoye kubona ikintu ubushinwa budakora, kugeza ubu, Chips na processors zishyirwa mu bikoresho by'ikoranabuhanga  nk'amatelefone n'imashini bigezweho, Ubushinwa bubikura mu bihugu nka Koreya y'Epfo.

Waruziko

Kuki Ubushinwa bukomeza kuza imbere?

Gahunda y'imyigishirize m'Ubushinwa, yiganjemo imibare, siyansi n'ubumenyi ku ikoranabuhanga byingwa kuva mu mashiri mato. Urugero, muri Beijing, amashuri yose asabwa gutanga amasomo k'Ubwenge buhangano(AI) kuva mu mashuri abanza(Primary).

Nanone, Leta y'Ubushinwa ijya itanga ubufasha bw'amafaranga, igabanyirizwa ry'imisoro, inguzanyo ziciriritse n'ibindi nkibyo ku nganda. Ibi byagiye bikorerwa inganda nka Huawei na SMIC.

Ikindi kandi, usanga inganda nyinshi muri iki gihugu zikorera hamwe. Usanga niba ari nk'uruganda rukora amakamyo, rukura ibikoresho by'ikoranabuhanga, moteri cyangwa se amapine, mu zindi nganda zo mu Bushinwa.

Ngubwo Ubushinwa.