Muri Grand Prix ya Miami, Lando Norris wa McLaren yatwaye 'Pole Position'(Umwanya w'imbere mu marushanwa n'abandi) ya Sprint iraba kuri uyu wa Gatandatu, Kimi Antonelli  wa Mercedes unayoboye urutonde rwa Shampiyona, aza ku mwanya wa kabiri. Ni ku nshuro ya mbere 'Pole Position' itwawe n'umukinnyi utari uwa Mercedes kuva iyi shampiyona y'uyu mwaka yatangira muri Werurwe.

'Sprint Qualifying' ni iki?

Muri Formula 1, Sprint Qualifying(SQ) ni irushanwa ryo guhatanira gutangira ku myanya y'imbere mu irushanwa rya Sprint riba kuwa Gatandatu.

Uko 'Sprint Qualifying' ikinwa.

'Sprint Qualifying' (SQ) iba igizwe n'ibice bitatu aribyo SQ1, SQ2 na SQ3, buri gice kigakinwa umukinnyi umwe umwe azenguruka umuhanda uzakinirwamo Grand Prix nyirizina. 

Ibyavuye muri Miami GP Sprint Qualifying

"Navuga ko dutangiye weekend neza. Mu byukuri, birenze ibyo twari twiteze. Nibyo, twari twiteze ko tuza kwitwara neza, ariko ntitwari tuzi ngo ni mu rugero rungana iki. Navuga ko twatunguwe, ariko kandi byadushimishije"

— Lando Norris

Amavugurura yakozwe ku modoka

Muri iki kiruhuko cy'ibyumweru bitanu, amakipe atandukanye yakoze amavugurura ku modoka zayo. Amakipe nka McLaren, Ferrari na Red Bull, yakoze amavugurura ku modoka zayo, cyane cyane akora kuri 'Aerodynamics'(Uburyo bwo kugabanya ingaruka umuyaga ugira ku mbaraga n'umuvuduko by'imodoka) no kongerera imbaraga imodoka. Ni mu gihe Mercedes yo iteganya kumurika amavugurura yakoze ku modoka yayo, muri Grand Prix ya Canada izaba mu mpera z'uku kwezi.